Skryf hoef nie altyd werk te wees nie. En jy hoef nie altyd geld daarmee te verdien nie. Soms is dit lekker - en baie nodig - om sommer net te gaan sit en skryf omdat jy daarvan hou en omdat jy lus is om 'n projek aan te pak wat jou heel moontlik nie eens geld in die sak gaan bring nie. Die bevrediging wat só 'n projek inhou kan buitendien nie in geldwaarde gemeet word nie. Dink net hoe beïndruk jou familie, vriende, kinders en kleinkinders gaan wees as jy een van ons projekte aanpak - en voltooi. Sodoende laat jy 'n baie ryk nalatenskap aan jou mense oor waarop daar nooit 'n prys kan wees nie.