Dis mos maar menslik om bietjie te spog en SA Vryskutskrywer is geen uitsondering nie! So, wees so 'n bietjie toegeeflik as ons 'n hoekie van ons webwerf aan studente en kliënte se kommentaar en suksesverhale  afstaan ...

Juliette Whelpton (2023) se proefartikel, 'n Dorp tussen hede, verlede en toekoms is deur Beeld BY gepubliseer. Reisjoernalistiek

Lizanne Kruger (2023) se blog, Pandora se Dosie, tref die kuberruim met haar eerste humorinskrywing, Die ding omtrent rugby-ma's. Klik hier om dié lekkerlees humorinskrywing te geniet. 1-2-3-Blog jouself

Anne Marais wat in 2018 SA Vryskutskrywer se Korporatiewe joernalistieke kursus voltooi het, publiseer sedertdien verskeie artikels in verskillende publikasies. Hier is 'n paar van hulle: 10 Eienskappe waaroor alle entrepreneurs moet beskik en Konflik in die werkplek (rooi rose), Anti-sosiale media, Meer kleure as die reënboog, Skuldig! Want jy't nie verstaan nie, In die kloue van 'n kultus. (Taalgenoot).

Norman Evertson (2020 + 2021) is 'n Wes-Kaapse korrespondent vir Netwerk24 en bedryf 'n suksesvolle vryskutfotojoernalistieke besigheid. Basiese Joernalistiek en Volledige Fotojoernalistiek

Eugene Pienaar wat in 2022 die blitskursus, Skryf dinamiese dialoog, voltooi se kortverhaal, Spookradio 302 FM, is gekeur vir die LitNet-slypskool Om te skryf.

Hendie Grobbelaar, wat in 2016 SA Vryskutskrywer se ABC van Kortverhale-kursus voltooi, kan reeds 'n rits wenverhale en kortverhaalbundels agter haar naam skryf. Haar jongste sukses is haar kortverhaal, Die Rooi Tekkies, wat PEN Afrikaans se 2022-kortverhaalkompetisie gewen het.

Marlene Farmer (2021) se rubriek, Rooiwangappels, inbelsentrums en afleweringsdienste, word op Maroela Media gepubliseer. 'n Tweede rubriek, Wat die hart van vol is, word in die tydskrif, Kuier, gepubliseer. Skryf Kreatief!

Elmé Steyl (12) (2021) se verhaal, Die Waterwese wen tweede plek in Storiewerf se skryfkompetisie vir kinders. Kom ons skryf 'n Storie

Eugene Pienaar doen proefleeswerk op 'n vryskutbasis. Blitskursus: Praktiese Redigering

Marie Smit: Ek moet die volgende met jou deel: Elmé Steyl, my kleindogter, wat by jou die kinderskryfkursus (2021) gedoen het, het Juliemaand vanjaar aan 'n skryfkompetisie by Storiewerf deelgeneem. Sy het pas gehoor dat sy tweede prys gekry het - prysgeld R800! Ek glo dat jou kursus haar gestimuleer het en dat dit definitief bygedra het tot haar sukses! 'n Klop op die skouer vir jou ook! Kom ons skryf 'n Storie

Malvory Adams wat in 2020 SA Vryskutskrywer se Skryf 'n Nie-fiksieboekkursus voltooi het, se boek, Als is nie net swart en wit, word deur Naledi gepubliseer.

Leana Welgemoed wat in 2019 SA Vryskutskrywer se Teksredigering-kursus voltooi, bedryf haar eie besigheid en word 'n 5-ster lid van First Tutors SA.

Deserise Cocklin-Viljoen (2021 + 2022) bedryf 'n suksesvolle vryskutbesigheid as teksredigeerder. Proeflees & Redigering en Verfrissingsredigeringskursus

June Botha (2021): Die kursus het my geweldig gehelp om my swak punte in skryf uit te wys terwyl ek Vlug van die Nag geskryf het. Ek benader, sien en hersien elke reël uit ‘n ander lig. Ek het ontdek ek vertel meer as wat ek moet. Ek gebruik onnodige woorde – kan meer werkwoorde invoeg. Kort en kragtige sinne – is amper soos – minder is meer. En ek hou daarvan. Ek gaan dit beslis meer gebruik. Daarbenewens besef ek dat elke hoofstuk oordink, soms paragrawe. Die storielyn kry meer ‘grond’. Dit verstewig my storie. Dit laat my met meer gemak, selfs selfvertroue skryf. Hierdie kursus was regtig ‘n aanwins. En dankie vir jou eerlikheid in my werk. Selfredigering

Wie is ons?

SA Vryskutskrywer is die enigste webportaal wat uitsluitlik daarop gemik is om Afrikaanse vryskutjoernaliste en -skrywers met raad en daad by te staan. Omdat ons self in die bedryf is weet ons waarna ervare kollegas én beginners soek. En ons weet wat redakteurs en uitgewers wil hê. Ontmoet jou mentors ...