Spesiale verslae, jou geheime wapen in die wêreld van publikasie, vryskutskryfwerk en kreatiewe inhoud, is spesiaal ontwerp om jou lewe gemakliker te maak. Of jy nuuskierig is oor hoe die mark werk, jou loopbaan wil uitbrei of bevorder, of bloot slimmer wil werk, bied elke verslag diepgaande kennis, praktiese riglyne en binnewenke – saamgestel uit jare se ervaring en navorsing.

Ontvang gefokusde leiding, net wat jy benodig, presies wanneer jy dit benodig.

Elektroniese boeke (e-boeke) is besig om wêreldwyd die leesstof van die toekoms te word - en die nuwe gonswoord in die boekebedryf. Ons e-boeke is spesifiek van toepassing op Afrikaanse vryskutskrywers.

Of jy jou skryfspiere wil oefen, jou kreatiewe denke wil verbreed, of net op soek is na vars perspektief – hierdie e-boeke is gemaak met jou as leser én skrywer in gedagte. Elke titel bied waardevolle inhoud, praktiese raad en leesplesier in een netjiese digitale pakket.

Databasisse help jou om jou werk makliker te organiseer, na te vors, te verkoop of gepubliseer te kry. Dit gee jou selfvertroue 'n hupstoot omdat jy presies weet wat van jou verlang word sover dit jou skryfwerk aangaan, asook watter verskillende opsies beskikbaar is.

Afrikaanse inhoud hoort nie op die agtergrond nie – en daarom bied hierdie eksklusiewe databasisse ’n skatkis van hulpbronne, markinligting, publikasiegeleenthede en navorsingsmateriaal, spesifiek saamgestel vir die Afrikaanse skryfgemeenskap. Hier kry jy toegang tot wat jy regtig nodig het – in jou taal, vir jou konteks.

Template, sjabloon, templaat, vormdokument, patroon ... Noem dit wat jy wil, maar niemand kan stry dat hierdie vormdokument die lewe aansienlik makliker maak nie. Dis net soveel makliker om 'n beproefde "resep" te kan gebruik om dodelik  vervelige en tydrowende donkiewerk te systap.

Tyd is skaars – moenie dit op ’n leë bladsy mors nie. Hierdie herbruikbare template is ontwerp om jou vinnig aan die gang te kry met enige skryfprojek: van nuusberigte en webinhoud tot kortverhale, artikels, boeke, blogs en toesprake. Professioneel opgestel, maklik om aan te pas, en 100% Afrikaans-vriendelik.

Of jy nou aan jou eerste kortverhaal werk,jou storie se dialoog wil slyp of 'n gesaghebbende artikel wil aanpak – hierdie praktiese werkboeke is ontwerp om jou as skrywer met selfvertroue en styl te laat groei. Elke werkboek is propvol oefeninge, wenke, template en inspirasie om jou stories of artikels op dreef te kry. Ontwikkel deur ’n ervare skrywer en redakteur, en met die oog op wat regtig in die werklike wêreld van skryfwerk werk.

Wie is ons?

SA Vryskutskrywer is die enigste webportaal wat uitsluitlik daarop gemik is om Afrikaanse vryskutjoernaliste en -skrywers met raad en daad by te staan. Omdat ons self in die bedryf is weet ons waarna ervare kollegas én beginners soek. En ons weet wat redakteurs en uitgewers wil hê. Ontmoet jou mentors ...