Die internet bied verskeie geleenthede vir vryskutskrywers. Nie alleen kan jy vanuit die gerief van jou tuiskantoor stories en artikels vir kliënte dwarsoor die wêreld skryf nie, maar deesdae kan jy die lonende beroep van proefleser- en redigeerder óók beoefen. Skrywers, uitgewers, mediamaatskappye, studente, korporatiewe instansies en reklame-agentskappe het altyd gekwalifiseerde proeflesers en/of redigeerders nodig om seker te maak hul tekste is onberispelik voordat dit die wye wêreld ingestuur word.