Dis mos maar menslik om bietjie te spog en SA Vryskutskrywer is geen uitsondering nie! So, wees so 'n bietjie toegeeflik as ons 'n hoekie van ons webwerf aan studente en kliënte se kommentaar en suksesverhale  afstaan ...

Bets Koen: Ek het vandag ’n behoefte om vir jou dankie te sę. Ek het die “behou perspektief’-kursus by jou gedoen. Hoe meer ek proeflees, hoe meer besef hoe belangrik perspektief is. Jy kan nie een oomblik in een ou se kop wees en dan skielik in ’n ander een s’n nie. Dit skep ’n onrustigheid vir die leser van die verhaal. En dit lyk vir my asof min mense wat skryf, dit besef. Ek is so dankbaar ek kon dit doen. Baie dankie! Blitskursusse: Behou jou Perspektief 

Essie Bester (Tydskrifjoernalistiek + Teksredigering) publiseer verskeie artikels in verskillende tydskrifte en aanlyn; doen teksredigering vir universiteitstudente.

Helaine Langenhoven: Jy maak my dag, my naweek en moontlik my jaar! So baie dankie vir die mooiste terugvoering! Ek dank Abba dat Hy jou gekies het om my toesighouer te wees. Ek was voorbereid op enige uitslag... het regtig nie geweet wat om te verwag nie. Nogmaals dankie! Christelike joernalistiek

Thys du Preez: Ek bluf myself nie: 'n mens sien nie jou eie foute raak nie. Die beste skrywers maak op redakteurs staat. Ek is nie spyt dat ek hierdie kursus geloop het nie - ek het baie (maak dit dęm baie) geleer. 

1. Karakters moet behoorlik ontwerp word, al is dit net 'n 800-woord verhaaltjie.

2. Verhale bestaan uit karakters, NIE gebeure nie. (Jy noem die middeleeuse skrywer wat dit gesę het.)

en nog vele meer - ek sal al die lesings weer moet deurwerk as ek 'n behoorlike lys wil saamstel. Dis dalk nie 'n slegte idee nie. En ek het dit baie geniet. Soveel dat ek spyt is dis klaar. ABC van Kortverhale

Lourien Leeuwner (Basiese kursus in Poësie) publiseer haar eerste bundel, Kougomharte, terwyl sy nog op skool is.

Naomi Kerchhoff se artikel verskyn in Kuier-tydskrif. Blitskursus: ABC van Tydskrifartikels

Charné Harding: Baie dankie vir al jou tyd en moeite. Die kursus was vreeslik  lekker. Ek het só baie geleer. Skryf Kreatief!

Moira: Sjoe! Baie, baie dankie. Dit is so goed gedoen. Jy is n ster! Ek sal elke keer terugkom na jou toe. Skryfdienste

Madli Grobbelaar (Koerantjoernalistiek) slaan 'n permanente joernalistieke pos los by Media24 in Bloemfontein. Lees 'n onderhoud met haar hier.

Martie Bargiacchi (Skryf Kreatief) kry 'n pos by Malherbe Uitgewers se tydskrif.

Danette Newton:  Baie dankie vir my sertifikaat en ook vir die geleentheid wat julle bied om kursusse te kan doen wat bekostigbaar is. Proeflees

Ankia von dem Bongart: Aan die einde van hierdie kursus wil ek jou bedank vir 'n wonderlike leerskool! Al die opdragte was relevant en het my gedwing om baie diep te grou in my kreatiewe laaie. Dit was harde werk maar baie lekker. Dit was baie betekenisvol om te kon bevestig dat ek wél 'n talent vir skryf het. Skryf Kreatief!

Carol Steyn: Vreeslik baie dankie vir die uitstekende redigering van my LitNet-artikel! Ek het dit wat ek gekry het deurgegaan en is baie tevrede. Ek besef ook ek het die proeflees nodig. Ek is Afrikaanssprekend, maar skryf selde in Afrikaans. Dink jy kon dit agterkom! As ek weer in Afrikaans skryf, sal jy daarvan weet! Manuskripredigering

Tilla: Ek is gaande oor die toespraak en dink dat my dogter net so mal daaroor sal wees. Ek sal weer in die toekoms van julle dienste gebruik maak. Baie dankie vir hierdie puik diens. Toesprake

Yvonne de Kock: 'n E-pos wat ek nooit ingedink het ék sal ontvang nie - 'n ATKV-Veertjie-nominasie!  En om te dink dit is vir die artikel wat ek met onderskeiding geslaag het vir my SA Vryskutskrywer-sertifikaat! My nominasie-artikel het in die uitgawe van 4 Februarie 2011 in Vrouekeur verskyn as: Net 'n siekte ... Verdien geld met Tydskrifjoernalistiek + Gevorderde kursus in Tydskrifjoernalistiek

Elsabé Welman bedryf 'n suksesvolle proefleesonderneming na voltooiing van haar kursus. Proeflees

Frik du Toit bedryf 'n suksesvolle proefleesonderneming na voltooiing van sy kursus. Proeflees

Antoinette Munro: Baie dankie vir al jou moeite! Ek het regtig baie geleer! Proeflees

Amanda Claassens: Baie dankie vir al jou toewyding met SA Vryskutskrywer. Daar is inderdaad nie nog so iets beskikbaar vir ons aspirantskrywers nie.

Retief Loubser: Wie onthou 'Fanie en Melanie' vir skooltake? Deesdae is dit 'Huisgenoot in die Klaskamer', en vandeesweek maak ek my vryskutskrywersdebuut as lid van die laerskoolspan. Sien bl. 94 - 97... Ongelukkig verskyn my naam nie daarby nie, maar dis 'n beskeie begin! My skryfwerk sal DV vanaf Februarie 2013 meer gereeld in hierdie rubriek verskyn. Christelike joernalistiek

Sandra Smith: Baie, baie dankie; jy is baie 'n goeie inspirasie! Ek gaan VIR SEKER meer skryf! Blitskursus: Skryf dinamiese dialoog

Sarlene Horn se skets, “Water en wiele”, oor haar fietsvakansie in Nederland verskyn in Vrouekeur (Februarie 2019) Vonkfiksie

Abraham Hamman: Baie dankie vir jou hulp en voorstel dat ons die artikel aan LitNet Akademies stuur. Ons is werklik trots daarop dat dit gepubliseer is. Manuskripredigering

Susan Venter: Dankie vir die goeie kursus. Ek het dit geniet en baie geleer. Die kursus het my verwagtinge ver oortref. Verdien geld met Tydskrifjoernalistiek

Jolandi Roux: Baie dankie vir 'n heerlike kursus! Ek het dit regtig geniet. Die inhoud was hoogs interessant en die opdragte was ’n uitdaging. Verdien geld met Tydskrifjoernalistiek

Gus Pauw: Jy het my dag gemaak! Ek was regtig ERG bekommerd. Mense is brose wesens wat maklik deur baie goed in die lewe sleg gevang word en dan werk dinge nie uit soos ons dit wou gehad het nie. Die kommentaar oor my gebruik van kommas was ek te wagte. Ek maak graag van kommas gebruik om dít wat ek bedoel duideliker te laat uitstaan, maar toe lyk die kommas in die werkstuk vir my te veel en dalk oorbodig. Oor die werkwoord is ek dankbaar dat jy dit uitgewys het, want ek het vir 14 jaar my werk so die helfte in Engels en die ander helfte in Afrikaans gedoen en daarna vir die afgelope 15 jaar feitlik alles net in Engels. So het ek na ‘n tyd soms begin twyfel aan my vermoë om vinnig in behoorlike Afrikaans te kan skryf en spel ondanks die feit dat ek in 1999/2000 daarin geslaag het om my hele proefskrif self te tik en te redigeer. Proeflees