In ’n wêreld waar mense en markte toenemend met mekaar verbind is, is die vraag na joernalistieke inhoud in meer as een taal groter as ooit. Vir Afrikaanse joernaliste wat hul vaardighede wil uitbrei, ’n wyer gehoor wil bereik en hul inkomste wil verhoog, bied die vermoë om tweetalig te werk ’n duidelike voorsprong.

Hierdie kursus in tweetalige joernalistiek is spesifiek ontwerp om Afrikaanse joernaliste toe te rus om met selfvertroue en akkuraatheid nuus, artikels en verslae in sowel Afrikaans as Engels te skryf. Jy leer nie net hoe om jou taalvaardighede te slyp nie, maar ook hoe om die subtiele verskille en kulturele nuanses tussen die twee tale te verstaan en doelbewus aan te wend.

Die kursus fokus op die oordrag van kulturele konsepte tussen die tale en hoe om stories te skryf wat eg en relevant bly vir beide Afrikaanse en Engelse gehore. Jy ontwikkel vaardighede om inhoud te lewer wat aanpasbaar is vir verskillende platforms en teikengroepe — van nuusberigte en feature-artikels tot digitale en sosiale media-inhoud.

Verder leer jy hoe om joernalistieke standaarde en etiek te handhaaf terwyl jy tussen die twee tale beweeg, en hoe om effektief in beide tale te werk. Hierdie praktiese, markgerigte kursus stel jou in staat om jou plek vol te staan in ’n veeltalige, moderne medialandskap.

• Inleiding tot tweetalige joernalistiek en waarom dit belangrik is.

• Die uitdagings van werk in twee tale.

• Grammatika en stylverskille tussen Afrikaans en Engels.

• Die belangrikheid van 'n duidelike, bondige skryfwyse in beide tale.

• Identifisering van kulturele verwysings en idiome in Afrikaans.

• Vertaling van kulturele verwysings in Engels, terwyl die betekenis bewaar bly.

• Sosiale media as ‘n platform vir tweetalige joernalistiek.

• Etiese oorwegings in tweetalige joernalistiek.

• Hoe om die vertroue van jou gehoor in beide tale te behou.

Toelatingsvereistes

• Goeie skryfvaardighede

• Uitstekende kennis van Engels

• Rekenaargeletterdheid, e-pos en internettoegang

• Geen vorige tersiêre kwalifikasie word benodig nie

Slaagvereistes

Minstens 65% EN minstens TWEE persklaar artikels.