Welkom by SA Vryskutskrywer - Vryskuthulpbronne
Vra 'n kenner
As vryskut is jy verantwoordelik vir ALLE aspekte van jou besigheid en soms is daar vrae waarop jy net nie 'n antwoord kan kry nie.
Dis met dié tipe vryskuttameletjies in gedagte dat ons verskeie kenners op hul gebiede genader het om indringende vrae te beantwoord en kwessies op te los.
As jy enige vrae of kwessies wat met die bedryf van jou vryskutbesigheid te make het, stuur gerus 'n boodskap om antwoorde te kry. Maak asseblief net seker dat jy jou vraag baie duidelik omskryf.
Wat
is markverwante tariewe vir nuusberigte, mediaverklarings, artikels van
800 woorde, foto's, boekresensies en advertensiemateriaal?
Nuusberigte – R1.75 per woord vir kleinerige koerante/gemeenskapskoerante; enigiets van R2 p/w – R3.75 p/w vir groot dag- of weekblaaie, afhangende ook van die belangrikheid van die storie. As dit ‘n hoofstorie (voorblad) is, is die koste beslis minstens R3.75p/w.
Mediaverklaring van 400 woorde – afhangende van die kliënt enigiets vanaf R2.50 p/w.
Artikels van 800 woorde – ervare skrywers behoort nooit laer tariewe as R2 – R2.75 p/w te vra nie.
Foto's – minstens R400 – R500 per foto (en maak seker jy behou kopiereg).
Boekresensies – selfde tariewe geld hier as by artikels.
Advertensiemateriaal – hang weer eens van kliënt en dringendheid van werk af. ‘n Vaste bedrag sal beter werk want gewoonlik is daar te min woorde in advertensiemateriaal om p/w te vra. Kyk na die hoeveelheid kopie of werk daaraan verbonde en stel jou fooi op enigiets van R800 opwaarts vir die kopie. Gebruik jou diskresie wat die hoeveelheid werk, tipe kliënt, ens. betref.
Hoe begin mens om iets te skryf?
Of dit nou ‘n skooltaak, artikel, kortverhaal of roman is … almal moet een of ander tyd iets skryf. Vir baie mense is skryf dikwels ‘n probleem want dis tydrowend, veeleisend en dikwels onbevredigend. En laat ons nou maar eerlik wees: dis ook regtig moeilik. Die probleem lê egter daarin dat die meeste mense nie ophou om te dink hóé hulle moet skryf nie. Dit behoort nie so te wees nie, want alles in die lewe bestaan uit formules – skryf ook. Net soos daar formules is om wiskundige probleme op te los is daar formules om enigiets te skryf. En dit maak die taak soveel makliker. Lees die res van hierdie artikel op ons blog.
Hoe
beskerm 'n mens jou skryfwerk? Is daar 'n manier om
kopiereg op jou intellektuele eiendom af te dwing?
Rina
Gunter spesialiseer in immateriële goederereg. Dit
sluit onder andere in die beskerming van patente en
die skeppings van skrywers, asook modelle en
handelsmerke. Luister aanyn na hierdie
potgooi op
RSG
om meer oor jou regte as skrywer uit te vind. Of
laai 'n mp3-lêer
hier af om later te luister.
Hoe begin jy om ‘n kortverhaal te skryf?
As jy ‘n redelike idee het waaroor jou kortverhaal gaan handel, is dit nodig om die res van die geraamte bymekaar te sit. Makliker gesê as gedaan? Nie regtig nie! Die belangrikste raad is om net kalm terug te sit en te begin. So maklik soos dit?
So maklik soos dit?
Natuurlik! Wees gerus, jy is nie die enigste skrywer wat al ooit angstig gevoel het oor die vooruitsig om jou eerste kortverhaal te skryf nie. Dit is belangrik om te onthou dat hoewel hierdie stories kort en kragtig is, hulle nogtans ‘n begin, middel en einde moet hê.
 |  |
|
|
|
Nog nie op ons GRATIS nuusbrief ingeteken nie? Klik hier en kry dadelik jou gratis
skrywersalmanak en hulpmiddels wanneer jy jou intekening bevestig. 
