Welkom by SA Vryskutskrywer - Vryskuthulpbronne
Finansies & besigheid
Skuif as bank se koste te hoog is
Bankkoste in Suid-Afrika is te
hoog en gebruikers van bankdienste behoort beter ingelig en bereid te wees om
hul persoonlike rekeninge te skuif om beter waarde vir geld te kry, meen
Solidariteit.
Dié vakbond se navorsingsinstituut (SNI) het gister ’n bankkosteverslag
bekendgestel waarin bevind is Absa het sy status as een van die twee duurste
banke in die land behou.
Mnr. Paul Joubert, senior navorser by die SNI, het ges
ê die bankkoste van Absa
se goedkoopste rekening het boonop vanjaar met 8% gestyg en Capitec se koste
glad nie.
Die gemiddelde maandelikse bankkoste vir die goedkoopste basiese rekening by
Capitec is R67,35, by ENB R73,10, by Nedbank R105,04, by Standard Bank R133,43
en by Absa R152,15.
Dit is bereken as ’n gemiddeld van agt transaksieprofiele, met rente of
verbeurde rente buite rekening gelaat.
Die bankkoste van verskeie kombinasies van maandelikse transaksies is op
verskillende bestedingsvlakke bereken.
Die ondersoek het net op die kernaspekte van transaksionele rekeninge gefokus
om vergelykings so billik moontlik te maak.
Dr. Dirk Hermann, uitvoerende adjunkhoof van Solidariteit, het gesê die eerste
verslag wat in 2010 uitgereik is, het tot ’n baie groter bewustheid
onder verbruikers oor bankkoste gelei.
“Daar is egter nog te min beweging in die sektor en banke is soos monopolieë.”
Volgens Hermann is daar geen rede meer hoekom mense historiese bande met banke
hoef te hê nie.
“Mense behoort keuses te maak wat tot hul voordeel sal wees. En hulle moet ook
nie onder die illusie verkeer dat dit moeilik is om van bank te verander nie.”
Afrikaanssprekendes verteenwoordig 31% van die koopkrag in die land en daar is
goeie geleenthede vir enige bank wat Afrikaans as ’n nisproduk wil bevorder, het
hy gesê.
Joubert het gesê verbruikers moenie aanvaar die rekening wat ’n bank vir hulle
aanbeveel is die goedkoopste opsie nie.
Solidariteit het in 2010 ’n aparte ondersoek oor die bankkoste van die groot
handelsbanke se sakerekeninge gedoen en op grond daarvan 35 van sy rekeninge van
Absa na ENB geskuif.
- Bron: Sake24
 |  |
|
|
|
Nog nie op ons GRATIS nuusbrief ingeteken nie? Klik hier en kry dadelik jou gratis
skrywersalmanak en hulpmiddels wanneer jy jou intekening bevestig. 
