Elke mens het ’n storie om te vertel. Maar dit verg ’n skerpsinnige, fyn ingestelde skrywer om daardie storie vas te vang en tot lewe te bring. In hierdie praktiese en inspirerende kursus leer jy om karaktergedrewe profielartikels te skryf wat nie net jou lesers sal inlig nie, maar ook aanraak.

Of jy nou ’n joernalis, skrywer, blogger of kommunikasiepraktisyn is – as jy mense se lewens, loopbane, drome of uitdagings wil verken en daaroor wil skryf, is hierdie kursus vir jou.

Ons leer jou alles wat jy sal benodig om ‘n persoon se storie met die regte hoek en fokus aan te pak, asook tegnieke vir onderhoudvoering wat Oprah Winfrey jaloers sal maak!

Die kursus is prakties en sluit genoeg opdragte, voorbeelde, wenke en individuele terugvoer in. Jy kry die geleentheid om ’n profielartikel van begin tot einde te ontwikkel – met begeleiding elke tree van die pad.

Of jy nou 'n opkomende stem is of jou bestaande vaardighede wil slyp sal hierdie skryfkursus jou die gereedskap en selfvertroue gee om mense se stories met diepte, warmte en professionele afronding te skryf.

En wie weet ... miskien lei een van jou profiele tot 'n volwaardige biografie.

Toelatingsvereistes

• Goeie skryfvaardighede

• Rekenaargeletterdheid, e-pos en internettoegang

• Geen vorige tersiêre kwalifikasie word benodig nie

Slaagvereistes

Minstens 65% + 1 persklaar profielartikel