Van inspirasie tot publikasie - jou eie digbundel

Het jy ’n kop vol gedigte en ’n hart wat klop met woorde wat gespreek wil word? Droom jy daarvan om jou eie digbundel saam te stel, maar weet nie waar om te begin nie – of hoe om die proses van redigering, samevoeging en publikasie te navigeer nie?

Hierdie kursus is vir jou.

Of jy nou ’n nuwe stem in die digkuns is, of reeds met verskeie enkelgedigte sit wat jy in bundelvorm wil omskep, sal hierdie kursus jou lei deur elke fase van die digbundel-skryfproses – van die aanvanklike kreatiewe vonk tot die laaste leesteken op die finale bladsy.

Hierdie kursus is ideaal vir:

• Nuweling-digters wat hul werk ernstig begin opneem

• Digters met bestaande gedigte wat'n bundel wil saamstel

• Engiemand wat hul poëtiese stem wil slyp en met die wêreld deel

Skryf is nie net ’n daad van skepping nie – dit is ook ’n daad van versameling, keuse, ordening en afronding. In hierdie kursus help ons jou  nie net omgedigte te skryf nie, maar om ’n volledige en oortuigende digbundel te bou wat iets sê – en bly sê.

Toelatingsvereistes

• Goeie skryfvaardighede

• Rekenaargeletterdheid, e-pos en internettoegang

• Geen vorige tersiêre kwalifikasie word benodig nie

Slaagvereistes

Voltooide boekmanuskrip

* Slegs 'n VOLTOOIDE digbundel kom in aanmerking vir die gratis manuskripbeoordelingsdiens.