V & A | Getuigskrifte | Perskantoor | Kontak ons | Tuis

 

Welkom by SA Vryskutskrywer - Professionele Dienste

1. Algemene vrae oor ons redigeringsdiens

• Watter tipe redigeringsdienste bied julle aan? Ons bied proeflees, taalkundige redigering en strukturele redigering aan. Elke diens word aangepas volgens die kliënt se behoeftes.

• Werk julle net met spesifieke soorte tekste? Nee, ons werk met alle soorte tekste: akademies, kreatiewe skryfwerk, nie-fiksie, artikels, kortverhale, sakedokumente, bemarkingsmateriaal, webbladinhoud, gedigte, tegniese tekste … álles."

• Hoe lank neem dit gewoonlik om 'n teks te redigeer? Die tydsraamwerk hang af van die lengte en kompleksiteit van die teks, maar ons streef daarna om 'n vinnige en doeltreffende diens te lewer. Vir dringende tekste probeer ons 'n vinnige, maar haalbare omkeertyd bewerkstellig, hoewel ons nooit kwaliteit sal inboet nie.

• Het julle 'n minimum of maksimum woordtelling vir projekte?

  Nee, ons werk met enige lengte teks, van kort artikels of gedigte tot uitgebreide boekmanuskripte en verhandelings.

2. Kwaliteit en styl

• Hoe weet ek watter soort redigering my manuskrip benodig? Wat jy benodig, hang af van jou manuskrip se toestand en jou doelwitte. Hier is 'n kort oorsig van die verskillende soorte redigering:

Ontwikkelende redigering – Fokus op struktuur, inhoud en logiese vloei. Ideaal vir vroeë konsepte. Inhoudelike redigering – Verbeter leesbaarheid, toon en konsekwentheid. Teksredigering – Sorg vir grammatika, spelling en styl volgens 'n spesifieke gids. Proeflees – Laaste foutkontrole voor publikasie. Volledige proeflees en redigering – Vervat  al  bogenoemde  vlakke van redigering en waarborg ‘n persklaar manuskrip.   As jy onseker is, kan ons jou manuskrip teen ‘n afslagfooi evalueer en die beste redigeringsvlak aanbeveel. Klik hier vir meer inligting oor manuskripbeoordeling.

• Hoe verseker julle die akkuraatheid en konsekwentheid van die redigering? Ons gebruik beproefde redigeringstegnieke en stylgidse om 'n professionele en konsekwente teks te lewer. Ons verseker ook feitelike akkuraatheid. Ons herskryf géén teks nie, maar verskaf wel riglyne om swak punte in die teks te verbeter.

• Pas julle die redigering aan by 'n spesifieke stylgids? Ja, ons kan volgens spesifieke stylgidse soos die Harvard-, APA- of Chicago-styl werk, asook enige plaaslike of universiteitsstylgids.

• Kan julle help met spesifieke terminologie vir my veld of bedryf? Absoluut! Ons pas redigering aan vir verskeie vakgebiede, insluitend akademiese, regs- en besigheidsterminologie. Ons beskik ook toegang tot verskeie vakwoordeboeke en -terminologie.

• Hoeveel interaksie is daar met die outeur gedurende die redigeringsproses? Ons kan so betrokke wees as wat jy verkies – van eenvoudige redigering tot samewerking deur terugvoer en regstellings, asook uiteindelike publikasiehulp. Jý besluit hoe betrokke ons moet wees.

3. Fooie en betalings

• Hoe word die koste van redigering bereken? Ons hef gewoonlik ‘n vasgestelde tarief per bladsy met ‘n woordtelling van 300 woorde per bladsy. Dit sluit die gekose redigeringsdiens in met alles wat daarby betrokke is.

  Vir ‘n finale redigering hef ons ‘n eenmalige bedrag van R500 vir korter manuskripte en R1,000 vir langer manuskripte.

• Bied julle afslag vir groot projekte of gereelde kliënte? Ja, ons het afslagstrukture vir langer projekte en herhalende kliënte, asook gerieflike afbetalingsopsies.

• Watter betaalmetodes aanvaar julle? Ons aanvaar EFT-betalings en ander elektroniese betaalopsies wat deur Payfast voorsien word.

• Word daar 'n deposito vereis voordat die werk begin? Ja, ons vereis ‘n 50%-deposito om ‘n redigeerder te kontrakteer en die finale 50% voordat die finale geredigeerde manuskrip gelewer word.

4. Praktiese aspekte

• In watter formaat moet ek my dokument stuur? Ons verkies Microsoft Word (.docx) – enige weergawe. Ons werk ongelukkig nie in PDF-dokumente nie.

• Hoe word veranderinge aangedui? Wanneer ons manuskripte redigeer, gebruik ons Microsoft Word se Track Changes-funksie om elke wysiging sigbaar te maak. Hierdie funksie stel jou in staat om duidelik te sien waar taal- en struktuurveranderinge aangebring is – insluitend grammatika-, styl- en sinskonstruksieverbeterings. Deur track changes aan te skakel voordat ons begin werk, kan jy elke verandering wat ons aanbring maklik hersien en aanvaar of verwerp. Kommentaar word ook gebruik om verduidelikings of voorstelle aan die kantlyn toe te voeg, sodat jy insig kry in die redes vir sekere wysigings. Hierdie metode verseker deursigtigheid, samewerking en ’n leergeleentheid vir elke skrywer wat saam met ons werk. Ons verskaf ook ‘n “skoon” dokument waarin die wysings aanvaar is, sodat jy dit maklik kan vergelyk met die track changes-dokument.

• Kan ek ’n voorbeeldredigering kry voordat ek die volle projek laat doen? Ja, ons bied 'n gratis kort proefredigering aan vir groot projekte – nie meer as twee bladsye nie.

• Wat gebeur as ek nie tevrede is met die redigering nie? Ons streef daarna om kliënte gelukkig te hou. Indien jy nie tevrede is nie, bied ons ‘n hersiening aan volgens jou terugvoer.

5. Spesifiek vir akademiese skryfwerk

• Maak julle seker dat die teks aan akademiese stylvereistes voldoen? Ja, ons fokus op akademiese toon, verwysing en struktuur. Ons gebruik ook jou of jou universiteit se stylgids en bronverwysingstruktuur.

• Kan julle help met bronverwysings en bibliografieformatering? Definitief! Ons kan bronne volgens APA, Harvard, Chicago of ander vereiste style formateer.

• Is julle bewus van plagiaatreëls en hoe om dit te voorkom? Ja, ons kan jou help om jou teks so oorspronklik en eties korrek as moontlik te hou. Ons toets dit ook met twee aanlyn plagiaattoetsers om seker te maak.

• Verskaf julle ‘n redigeringsertifikaat? Ja, ons verskaf ‘n redigeringsertifikaat wat bevestig dat jou werk finaal geredigeer is. 

                   

Stuur jou manuskrip aan ons  

  

---

Vertel 'n vriend hiervan:              Kontak ons

---

Nog nie op ons GRATIS nuusbrief ingeteken nie? Klik hier en kry dadelik jou gratis skrywersalmanak en hulpmiddels wanneer jy jou intekening bevestig. 

                                            Vertel 'n vriend van ons  

                                 

 

 

Wie is ons?

SA Vryskutskrywer is die enigste webportaal wat uitsluitlik daarop gemik is om Afrikaanse vryskutjoernaliste en -skrywers met raad en daad by te staan. Omdat ons self in die bedryf is weet ons waarna ervare kollegas én beginners soek. En ons weet wat redakteurs en uitgewers wil hê. Ontmoet jou mentors ...