Welkom by SA Vryskutskrywer - Nuusbrief
SA Vryskutskrywer se GRATIS nuusbrief is 'n noodsaaklike
verlenging van jou skrywerslewe aangesien daar beslis géén ander Afrikaanse nuusbrief
ter węreld met dieselfde inhoud bestaan nie. En heel moontlik ook nie in enige
ander taal in Suid-Afrika nie. Moet dus nie versuim om in te teken nie. Gebruik
hierdie skakel om in te teken en jou vinnig op jou pad na skryfsukses te help.
Time 2025 Persoon van die Jaar
Die
gesaghebbende tydskrif, Time, het aangekondig dat die
"argitekte van KI" hul
Persoon van die Jaar is. KI sluit beslis 'n buitengewone jaar af, en
baie KI-sakebestuurders het bekende name geword.
Time het gesę dat dit die jaar was toe KI se “volle potensiaal in sig gebrul het, en toe dit duidelik geword het dat daar geen omdraaikans of uitsluiting sal wees nie,” en opgemerk het dat dit alle aspekte van ons lewens raak, van die ekonomie tot skoolonderrig.
Die tydskrif stel twee voorblaaie vry, met een wat die letters onder konstruksie bevat en 'n ander 'n knik na die klassieke 1932 “Middagete bo-op 'n wolkekrabber”-beeld met tegnologie-reuse van die KI daarop, insluitend Meta se Mark Zuckerberg, xAI se Elon Musk en AMD se Lisa Su, onder andere. Lees die volledige artikel hier.
Google-soektogte 2025: Waarna Suid-Afrikaners die meeste gesoek het
Google se Year in Search-verslag vir 2025
wys duidelik waar Suid-Afrikaners se aandag dié jaar was. Die
e-handelsplatform Temu het heel bo uitgekom as die mees gesoekte
term, gevolg deur generaal Nhlanhla Mkhwanazi, wie se naam dwarsdeur
die media gedruis het.
Interessant genoeg was kunsmatige intelligensie ’n groot tema: Terme soos “Chat GPT free”, “Google Gemini” en “Humanise AI” was almal onder die top 10-soektogte. Praktiese navrae was ook hoog algemeen — van Unisa-registrasie tot goedkoop vlugte soos FlySafair se R11-kaartjies. Selfs die nuwe iPhone 17 Pro Max het die lys gehaal, wat wys hoe tegnologieverbruikers hul koopnavorsing op Google begin.
Wat wag in 2026? – The Economist se
voorspellings
The Economist se World Ahead 2026‑verslag kyk vooruit na ’n jaar vol uitdagings en geleenthedewęreldwyd. Hier is die hoofpunte:
Geopolitieke spanning: Die węreld bly verdeeld en multipolęr, met groot state soos die VSA, China en Rusland wat voortgaan om invloed uit te oefen. Konflik in gebiede soos Oekraine en Myanmar, sowel as spannings in die Arktiese en kuberruimte, bly ’n fokus.
Ekonomie en risiko: Ryk lande leef steeds bo hul middele, wat finansiële spanning en moontlike staatsleningskrisisse kan veroorsaak. Groei is moontlik, maar vol risiko’s.
Tegnologie en gesondheid: Kunsmatige intelligensie sal die ekonomie en werkmarkte verder vorm, terwyl nuwe gewigsverliesmiddels węreldwyd belangrik raak en sosiale en etiese debat ontlok.
In ‘n neutedop: 2026 beloof ’n jaar van politieke, ekonomiese en tegnologiese deurbraak, met węreldwyd uitdagings wat nie geďgnoreer kan word nie.
2025 se Woord van die Jaar
Die aanlyn woordeboek, Dictionary.com het die term “6 7”, wat ses sewe uitgespreek word, aangewys as sy Woord van die Jaar vir 2025, ondanks die feit dat dit meer ’n uitroep of sinsnede as ’n klassieke woord is.
Die woord se betekenis is egter vaag en hang van die konteks af. Dit kan “so-so”, “miskien so, miskien nie só” of net as ’n speelse uitroep sonder betekenis gebruik word.
Die woord het gewild geword nadat dit as jeugtaal en op sosiale media begin gebruik is. Volgens Dictionary.com het soektogte na 6 7 vanaf Junie vanjaar meer as sesvoudig toegeneem.
Dictionary.com sę sy keuse is gegrond op hoe die term gesprekke beďnvloed wat aanlyn én van aangesig tot aangesig gevoer word. Die frase word glo beskou as ’n taalverskynsel wat die tydsgees van 2025 weerspieël, veral in die jeug- en digitale kultuur.
Bron: Pretoria FM
Nuwe Afrikaanse koerant binnekort
Die Papier, ʼn
nuwe weeklikse koerant, maak op 6 Maart volgende jaar vir die eerste
keer sy verskyning.
Novus Media, ’n afdeling van die JSE-genoteerde Novus Holdings, het Dinsdag dié nuus bekendgemaak. “Hierdie strategiese uitbreiding versterk Novus Media se posisie in die drukmedia-mark, waar dit voortgaan om titels te bekom en te bou wat waarde aan teikengehore bied,” lui die instelling se verklaring.
Barnard Beukman, oud-Beeld-redakteur, is as eerste redakteur van Die Papier aangestel. Die koerant sal elke Vrydag in druk- en ook digitale formaat gepubliseer word en luidens die verklaring omvattende dekking bied van die week se nuus en die naweek se gebeure, asook gemeenskapstories, sakeverwikkelinge, sport-, kultuur- en leefstylinhoud wat spesifiek vir Afrikaanssprekende lesers oor Suid-Afrika heen van belang is. Lees die volledige persverklaring hier.
100 jaar, 100 beste Afrikaanse boeke
In die jaar waarin Afrikaans sy honderdste bestaansjaar as amptelike taal vier, het Skryfnet – Maroela Media en Akademia se skryfskool – besluit om hulde te bring aan die stories en skrywers wat Afrikaners se węreld oor hierdie eeu verryk het.
Lesers van reg oor die land het met groot entoesiasme deelgeneem aan die 100 jaar, 100 beste Afrikaanse boeke-kompetisie, en dit het gou duidelik geword hoe diep ons mense se liefde vir goeie boeke gewortel is.
Elke maand is daar op ʼn nuwe genre gefokus en kon lesers hulle gunstelingboek nomineer om uiteindelik deel te vorm van die top-10 in elke kategorie, waarna almal die geleentheid gekry het om vir die algehele wenner te stem.
Tussen al die kategorieë, nominasies en duisende stemme het een naam keer op keer bo almal uitgestyg: Dalene Matthee. Haar geliefde “Bostrilogie” het gedurende die kompetisie die meeste steun ontvang.
Hoewel Matthee se trilogie dié jaar die hoogste eer ontvang het, het verskeie ander boeke ook die beoordelaars en publiek se aandag getrek.
Onder hierdie eervolle vermeldings tel die ikoniese Kook & Geniet deur SJA de Villiers, Deon Meyer se 13 Uur, Elsa Joubert se Spertyd, PG du Plessis se Fees van die ongenooides, Wilna Roux se Die ooggetuie, Juliana Coetzer se Bloedvreemd en Marlene van Niekerk se Agaat. Klik hier om die volledige lys te lees.
Nuuseum laat argiewe leef
Nuuseum, ‘n maatskappy sonder winsbejag wat die
breë Afrikaanse kultuurerfenis digitaal wil bewaar en ontsluit, is
onlangs in Stellenbosch bekendgestel. Nuuseum is ʼn aktiewe argiefinstansie met ‘n visie
om die totale, diverse, Afrikaanse kultuurerfenis op een plek te
bewaar en toeganklik te maak vir almal.
Die versameling sluit materiaal in van individue, argiewe, en kultuurorganisasies van reg oor Suid-Afrika. Die argief is ook toeganklik vir mense met visuele beperkinge. Laai Nuuseum se volledige persverklaring hier af.
Notas oor die veranderende joernalistiek
In hierdie reflektiewe oorsig deel Johannes
Froneman sy 44 jaar se ervaring in die joernalistiek, van sy begin
by Beeld in 1978 tot vandag. Sy belangstelling in koerante het van
kleins af ontstaan, en hoewel hy nie formeel joernalistiek gestudeer
het nie, het hy deur praktiese ervaring en die geleentheid wat Ebbe
Dommisse hom gegee het, sy plek in die veld gevind. Hierdie tydperk
het hom nie net die kans gegee om veranderinge in die media te
beleef nie, maar ook om die impak van politieke en tegnologiese
transformasies te sien en te reflekteer op hoe die joernalistiek oor
dekades heen ontwikkel het — van ’n era van groot redaksies en
drukkoerante tot vandag se digitale landskap.
Prof. Froneman is die stigter van Mediamense.com, ‘n digitale museum oor Afrikaanse mediamense asook sommige van die groot nuusstories wat hulle die afgelope eeu en langer aan ons bring – in koerante en tydskrifte, op radio- en TV-programme en via die digitale media. Klik hier om die volledige artikel op die webblad te lees.
Afrikaanse erfenis in gevaar; help só om dit te bewaar
“Ons doel is eenvoudig én ambisieus: ‘n Tuiste
waar Afrikaans se geheue kan (voort)leef. Afrikaanshuis bring
bewaring en navorsing byeen en vestig ʼn nuwe hoofstuk vir Afrikaanse
kultuurerfenis wat gekenmerk word deur veiligheid, toeganklikheid en
volhoubaarheid.”
Só sę dr. Annelise de Vries, hoof- uitvoerende beampte van die Suid-Afrikaanse Akademie vir Wetenskap en Kuns (SAAWK), oor dié organisasie se inisiatief om ʼn volhoubare, vennootskapsgedrewe bewaring- en navorsingsentrum vir die volle omvang van Afrikaanse kultuurerfenis te vestig.
Volgens De Vries het die idee vir Afrikaanshuis ontstaan na aanleiding van ʼn onlangse opname en verwante navorsing deur die SA Akademie oor die stand van museums en erfenisinstellings in Suid-Afrika. Lees die volledige berig hier.
Nuwe Afrikaanse tydskrifte
Nuusweek is 'n e-publikasie van Pretoria FM wat
gratis aanlyn uitgegee word. Dit is begin in antwoord op wat gesien
word as 'n leemte in die Afrikaanse media − dat lesers, luisteraars
en kykers ’n onblusbare behoefte aan Afrikaanse inhoud het, en
Pretoria FM wou seker maak dat daar in daardie behoefte voorsien
word. Die eerste uitgawe is op 31 Januarie 2025 vrygestel.
Nuusweek word weekliks uitgegee, en sluit inhoud in wat relevant
is vir Afrikaanssprekendes, soos nuus, meningsartikels, briewe aan
die redaksie, en meer.
Webadres: https://www.pretoriafm.co.za/nuusweek/
Inkpols is die digitale tydskrif van INK Skryf in
Afrikaans − ’n kreatiewe platform wat Afrikaanse skrywers, digters
en lesers saambring met ’n ryk verskeidenheid literęre inhoud. Dit
verskyn maandeliks aanlyn as deel van die INK-webwerf en bevat teks-
en kreatiewe werke, insigte en bydraes vanuit die lede se skryfwerk
en literęre aktiwiteite.
Webadres: https://ink.org.za/inkpols/
Naskrif word maandeliks aanlyn gepubliseer. Die inhoud
is gemik om leesstof te bied aan alle lesers van Afrikaans. Die
doelwit is om Afrikaans te bevorder en die behoud van hierdie taal
te verseker. Ons stel blootstelling aan talentvolle skrywers en
boeke, ontmoet mense met ‘n unieke verhaal, lees oor kunstenaars,
die digkuns en skryfkuns. Ons deel ook inligting oor ons teaters,
musiek en kunstenaars en plaas ons plaaslike talent in die kollig.
Webadres: https://nskrywershuis.co.za/3d-flip-book/naskrif-nuutste-uitgawe/
OntLaer is ’n Afrikaanse aanlyn publikasie wat die
media- en meningskrisis takel met sloernalistiek, oop debat en
inhoud wat dwarsoor die politieke spektrum strek − vir lesers wat
sinvol, hoflik en met bedagte meningsvorming wil deelneem.
Webadres: https://www.ontlaer.co.za/
Binne+Land
is 'n onafhanklike nuusbriefplatform wat deur lesers ondersteun
word. Ons start-up-span is Anneliese Burgess op
'n Sondag (Rolbos), Piet Croucamp (Sondebok) op 'n Woensdag, Willem
Kempen (Wisselstroom) op 'n Vrydag en Ali van Wyk (Warboel) op 'n
Saterdag. Laureen Rossouw (Tiptol), en ander gasskrywers, kom later
by. Ons begin klein, maar ons het groot
planne. Binne+Land
is 'n plek van ontmoeting. En gemeenskap. En saam sin maak van die
lewe en ons land en ons węreld.
Webadres: https://www.binne-land.co.za/
Bly op hoogte van al die bedryfsnuus van toepassing op Afrikaanse vryskutskrywers hier.
 |  |
|
|
|
Nog nie op ons GRATIS nuusbrief ingeteken nie? Klik hier en kry dadelik jou gratis
skrywersalmanak en hulpmiddels wanneer jy jou intekening bevestig. 
