Watter skrywer wil nie hê sy of haar skryfwerk moet dadelik aandag trek nie? Maar op die REGTE manier! Nie omdat daar so baie spel- of tikfoute in is nie!

Die maklikste manier om seker te maak jou skryfwerk trek vir al die regte redes aandag is om dit eers self te redigeer, want die persoon wat die beste weet wat in ‘n manuskrip moet aangaan, is mos die skrywer self, dan nie?

Selfredigering is buitendien noodsaaklik voordat jy die dienste van ‘n opgeleide, professionele redigeerder of proefleser nader. Die rede is omdat jy eers self jou hele storielyn (vir enige manuskrip, nie net fiksie nie) deeglik moet deurwerk. Dikwels is ‘n skrywer se werk só slordig dat die redigeerder nie heeltemal seker is wat aangaan nie. Dit kan dan tot ekstra onkostes lei of anders ‘n massiewe misverstand tussen die redigeerder en die skrywer ontketen. Hierdie scenario is algeheel voorkombaar as jy net die tien basiese riglyne vir selfredigering volg voordat jy jou manuskrip aan ‘n professionele redigeerder of ‘n uitgewer/publikasie stuur.

• Waarom moet jy self redigeer?

• Hoe om ‘n teks te redigeer

• Spelling

• Perfekte leestekens

• Grammatika

• Oorgangstegnieke

• Laat jou teks lééf

• Wat is logiese vloei?

• Werkwoorde

• Konsekwente punktuasie

• Maak seker van die Afrikaans wat jy gebruik

• Styl – syfers, afkortings, werkwoorde, voornaamwoorde, ens.

• Grammatikale wenke

• Só redigeer jy poësie/tegniese skryfwerk/wetenskapfiksie/bloginskrywings/

roman/akademies

• Hulpdokumente

• Taalhandboek

• Algemene taal-tokkelossies

• Redigeringskontrolelys

• Manuskripformulering