“By VivA glo ons dat Afrikaans in al sy vorme uitgebou, ontwikkel en toeganklik gemaak moet word, sodat Afrikaans oor twintig, vyftig en selfs ’n honderd jaar van nou af steeds in sy hoë funksies sal kan fungeer. Daarom poog ons om die tegnologiese taalwêreld van Afrikaans deurgaans uit te brei sodat Afrikaans in al sy vorme in digitale kontekste beskikbaar kan wees. Dit is dus vir VivA ’n voorreg om ’n Variasieportaal by ons bestaande grammatika-aanbod te voeg sodat die uitsette van ProVARIA en die volle diversiteit van Afrikaans ook in digitale kontekste kan fungeer en ’n tuiste kan hê. Lees volledige persverklaring hier.

Die TV- en mediatydskrif tvplus verskyn op 23 Maart vir die laaste keer. "Weens die strawwe ekonomiese klimaat en stygende koste is dit ongelukkig nie meer haalbaar om tvplus uit te gee nie," sê Nerisa Coetzee, hoof van Media24 Leefstyl. Die tydskrif sal dan ook nie meer op Netwerk24 beskikbaar wees nie. “Ons gaan die laaste twee uitgawes vier met onthoubrokkies en ander storielyn-artikels wat jy nie wil misloop nie,” sê Lucia Poolman, redakteur. “Baie dankie aan al die lesers en adverteerders wat so lank deel van ons tvplus-familie was.” Die tydskrif het in Oktober 1999 vir die eerste keer verskyn.

Die beweegredes vir kopieregbeskerming is beloning en aansporing. As iemand die moeite gedoen het om ’n outeursregwerk te skep, en daardie werk voldoen aan die basiese vereistes, ontstaan kopiereg outomaties. ... Wat is kopiereg? Hoekom is daar iets soos kopiereg? Mag ek iemand se kiekies op die sosiale media deel? Mag ek ’n gedig met WhatsApp na ’n vriendin stuur? En wat van billike gebruik? Naomi Meyer en Izak de Vries het by Catrina Wessels, ’n kopieregkonsultant en literêre agent, gaan aanklop om ons, in gewone taal, hierdie sake te laat verstaan. Volledige berig.

Een joernalis word elke vier dae vermoor, wat tot die 86 sterftes vir 2022  se totaal bydra, sê Unesco, wat navorsing gedoen het oor die moorde op joernaliste in 2022 wat met 50% toegeneem het teenoor vorige jare. Volledige berig.

Die openbare beskermer (OB) het bevind daar is geen bewyse dat Gosiame Sithole aan ’n tienling geboorte geskenk het nie en dat geen hospitale of medici hulle aan enige foutiewe gedrag skuldig gemaak het nie. Volledige berig.

Dr. Phillip Louw is met ingang 1 Januarie 2023 aangestel as die nuwe Hoofredakteur en Uitvoerende Direkteur van die Woordeboek van die Afrikaanse Taal. Hier onder volg ’n kort biografie van dr. Louw: Lees verder.

In 'n onlangse onderhoud met die Suid-Afrikaanse vryskut-fotojoernalis, Sumaya Hisham, het sy gesê: "As 'n vryskut, voel dit of my werk meer voltyds is as wat dit vryskut is." Lees volledige berig hier.

Suid-Afrikaanse joernalistieke organisasies het vandeesweek laer getrek om die bekende joernalis, Karyn Maughan, toe oudpresident Jacob Zuma 'n private vervolging teen haar begin het. Lees volledige berig hier.

Dat die Wysigingswetsontwerp op Outeursreg skrywers direk raak, is voor die hand liggend. Skrywers maak op kopiereg staat. Baie skrywers skryf om den brode. Die Wet op Outeursreg gee hulle die eksklusiewe reg om, onderworpe aan sekere beperkings, seggenskap te hê oor hul kreatiewe werk. Daardie eksklusiwiteit is ’n belangrike faktor vir die kommersialisering van skryfwerk en ander skeppende werke. Lees volledige artikel hier.