Welkom by SA Vryskutskrywer - Gratis goed

 

Ons hou daarvan om goed gratis weg te gee - vandaar dié blad waar jy allerlei kan aflaai wat jou nie 'n sent sal kos nie.

Op dié blad sal jy heel moontlik 'n program of hulpmiddel raakloop wat jou kan help om jou vryskutbesigheid en skryfwerk nóg meer doeltreffend te bedryf.

Of jy is dalk op soek 'n speltoetser, e-boekleser, cv-templaat - enigiets wat jou as vryskutskrywer kan help.

Kom maak gereeld 'n draai op dié blad. Ons probeer aanhoudend bywerkings en verbeterings aanbring om dit so vars moontlik te hou.

(Alle eksterne skakels maak in 'n aparte blad oop)


 

Hou volledig rekord van al jou stories/artikels, betalings en belastingaftrekkings met ons handige rekorddokument. Laai 'n kopie hier af.

GRATIS speltoetser: WSpel het pas weergawe 14.2 geloods en met meer as 517,000 woorde in die WSpel-woordelys en duisende inskrywings in MS-Word se AutoCorrect-funksie is WSpel tans die grootste Afrikaanse speltoetser vir Microsoft Office (Windows en Mac) ter wêreld. Daarby voldoen dit aan die spelwyse van die jongste Afrikaanse Woordelys en Spelreëls (AWS) 2009. Dis alles gratis, want WSpel is gratis vir almal onderhewig aan die lisensieooreenkoms. Laai hier af.

Met die internet wat deesdae die hoofrol in almal se lewe speel, is dit belangrik om alledaagse benamings ook in Afrikaans te ken. Hier is 'n omvattende tweetalige internetwoordeboek. Laai hier af.

Wil jy 'n liefdesverhaal skryf? Maak dan doodseker dat jy al die nodige "bestanddele" in jou storie inwerk sodat dit publiseerbaar is. Laai  Malan Media (www.malanmedia.co.za) se riglyne vir 'n liefdesverhaal hier af.

Geen skrywer kan suksesvol wees sonder skryfdoelwitte nie. Is jy op dreef met jou skryfdoelwitte vir vanjaar? Gaan laai hier 'n skryfdoelwitroostertjie af. Dit kan jou dalk net help om jou eerste storie klaar te skryf.

SARS ritboek - Dis selde dat Jan Taks gaaf genoeg is om 'n ietsie gratis aan belastingbetalers te gee. Hierdie ritboek is werklik die moeite werd om af te laai en te gebruik. Dit maak jou lewe 'n bietjie makliker wanneer belastingseisoen aanbreek. Gaan laai dit gerus hier af. Of jy kan sommer 'n dokument hier aflaai om jou reiskostes op aan te teken.

Wil jy graag jou eie e-boek skryf? Daar is geen tyd beter as die huidige nie en om jou aan die gang te kry deel ons Kobus de Kock van www.ebooksforyou.co.za se omvattende handleiding. Laai jou kopie hier af.

Afrikaans is baie vindingryk soos in Die Herkoms van Spreekwoorde geïllustreer word. Laai gerus die taalkenner, dr Anton Prinsloo, se artikel hier af wat van Mieliestronk se webblad kom.

SA Vryskutskrywer se webblad vertoon op sy beste in Internet Explorer 9 of Google Chrome, bladgrootte 1344 x 515. Laai die nuutste weergawe van IE9 hier af en Google Chrome hier.

Laai nog gratis sagteware af:

            Adobe Acrobat Reader

            Adobe Digital Editions       

            Java sagteware

            Kindle for PC - die gewildste gratis e-boekleser beskikbaar

Om uit te vind hoe die nuwe belastingglyskale jou sak kan raak, kan jy dit hier deur middel van 'n aanlyn belastingrekenaar uitwerk (met komplimente van Softline Pastell).

Valutaberekenaar: As jy nodig het om te weet hoeveel Rand jy gaan benodig om 'n boek of ander item in Amerikaanse dollars mee te betaal of jy wil jou swaarverdiende Euros in Rand omsit, kan jy hier na 'n oulike klein wisselkoersrekenaartjie gaan kyk.

Almal moet deesdae 'n doeltreffende CV beskikbaar hê, maar baie mense wonder watter inligting dit moet bevat. Gaan laai 'n werkbare voorbeeld hier af.

Sprokies vir Vroue - Kristel Loots en Chanette Paul, twee van Suid-Afrika se mees gewilde liefdesverhaalskrywers, gesels oor liefdesverhale vir vroue. (Uit Vrouekeur, 11 Junie 2010; soos verskaf deur LAPA Uitgewers). Laai die artikel hier af.

Praktiese faktuur - Ons het die eenvoudigste faktuur saamgestel wat vir al jou kliënte sal werk. Jy kan net die relevante name en bedrae invul. Daar is ook plek vir jou eie besonderhede wat nie weer verander hoef te word nie. Laai hier af.

Telefoonlogtabel - Met die hemelhoë telefoononkostes, is dit wys om 'n log te hou van al jou oproepe om seker te maak jy betaal nie iewers aan iemand iets te veel nie. Kry 'n vereenvoudigde telefoonlogtabel hier.

Sperdatumlys - Maak seker dat jy nooit weer 'n sperdatum vergeet nie. En hou terselfdertyd rekord van betalings. Laai 'n templaat hier af.

Om te doen-lysie help jou om jou take en spertye realisties te organiseer en by te hou met alles wat jy daagliks moet doen. Kry joune hier.

Alternatiewe sleutelbord / Diakritiese leestekens - Afrikaans vereis die gebruik van kodes om leestekens op sommige letters aan te bring. Dis egter veral eienaars van skootrekenaars wat spook om leestekens op woorde aan te bring. Probleem opgelos. Gaan laai 'n kopie hier af.

Wie het nou altyd lus om in 'n dagboek rond te blaai? Met dié eenvoudige dagbeplanner kan jy sommer maklik elke dag jou nodige take afmerk en met een oogopslag sien wat na die volgende dag oorgedra moet word. Laai joune hier af.

'n Basiese Engelse grammatikahandleding wat baie nuttig te pas kan kom vir Afrikaanssprekendes wat skielik gereeld in Engels - hul tweede taal - moet skryf - vriendelik verskaf deur Daily Writing Tips (www.dailywritingtips.com). Laai jou kopie hier af.

Al ooit gewonder wat die korrekte netiket is? Gaan laai 'n bondige gids hier af.

 

Nog nie op ons GRATIS nuusbrief ingeteken nie? Klik hier en kry dadelik jou geskenk en geheime kodes wanneer jy jou intekening bevestig.

     Vertel 'n vriend van ons  

 

 Tuisblad                    Skryfkursusse                    Blitskursusse

Sluit venster