Welkom by SA Vryskutskrywer - Vrae & Antwoorde

 

Hoe werk SA Vryskutskrywer se Vryskutnetwerk?


 

Vryskutskrywers beskik nie oor die luukse van 'n groot mediamaatskappy se geld nie. As gevolg van diť feit is vryskutskrywers 'n taamlik eensame spesie wat met alles self die mas moet probeer opkom. Vryskutskrywers het gewoonlik sommer 'n hele spul balle in die lug en soms, net soms, verander van daardie balle in eiers wat op jou kop kan val! Om dŪt te verhoed het ons 'n netwerk bedink wat jou kan help om al die balle in die lug te hou en terselfdertyd sommer 'n paar nuwes by te kry - as jy kans sien ...

Ons bied twee opsies om jou in die netwerk en aan die gang te kry - 'n basiese opsie en 'n premium-een.

Kortliks kom dit daarop neer dat die basiese opsie jou sigbare "huisvesting" op ons werf gee, maar die onus lÍ steeds grootliks op jou om jou eie potjie te krap. As ons vir jou werk kry, moet jy ons darem ook 'n fooitjie betaal vir die moeite, maar verder kos dit jou niks.

Met die premium-opsie doen ons ook heelwat van ons kant af. Ons probeer jou help om jou inkomste te verhoog deur aan jou 'n eie lÍplekkie op ons werf te verskaf, saam met jou persoonlike kontakbesonderhede en 'n volledige professionele profiel. Nog iets wat ons doen is om jou waar moontlik via jou profielblad te bemark net waar ons kan, enige werk wat moontlik uitgedeel kan word aan premium-lede aan te bied en te help met administrasie en regskwessies en kontrakte of wat jy ookal benodig. O ja, en ons gee jou ook onbeperkte toegang tot ons premium-webblad.

Hoe klink dit vir jou?

Maar voordat jy armoede bepleit en besluit om summier die gratis opsie te omhels, kyk darem eers na ons vergelykende tabel hieronder. Dis net sodat jy seker is dat jy werklik die regte besluit neem. En onthou ook dat daar geen verpligting op jou rus nie. Jy kan enige tyd van opsie verander - vorentoe of agtertoe.

Basiese lidmaatskap

  • Lidmaatskap is GRATIS.

  • Enige werk wat deur middel van SA Vryskutskrywer aan lede verskaf word, is onderhewig aan 'n 20%-agentskapsfooi betaalbaar aan SA Vryskutskrywer wanneer 'n kliŽnt die finale betaling doen.

  • Geen profielblad met persoonlike kontakbesonderhede nie.

  • Kontak met skrywers word slegs deur middel van SA Vryskutskrywer gedoen.

  • Aantal spesialiteitsvelde beperk tot slegs twee.

  • Geen gratis toegang tot premium-webblad.

 

Premium-lidmaatskap

  • Lidmaatskap is R 35 per maand.

  • Geen agentskapsfooi is aan SA Vryskutskrywer betaalbaar nie. Jy werk dus uitsluitlik vir jou eie rekening.

  • Skrywers ontvang elkeen 'n eie profielblad met persoonlike kontakbesonderhede.

  • Kontak met skrywers deur voornemende werkverskaffers word direk met skrywers gedoen en dus nie deur SA Vryskutskrywer gereŽl nie.

  • Onbeperkte aantal spesialiteitsvelde kan vertoon word.

  • Onbeperkte gratis toegang tot alle premium-inhoud.

 

Wie kan by SA Vryskutskrywer se Vryskutnetwerk baat vind?

Professionele vryskutskrywers in enige genre, waaronder joernaliste, kreatiewe skrywers, webskrywers, niefiksieskrywers, digters, draaiboekskrywers, spookskrywers, kopieskrywers, toespraakskrywers, ens.

Vertalers

Redakteurs

Redigeerders

Proeflesers

Korporatiewe skrywers

Fotojoernaliste

 

 

<<< Watter gratis dienste is daar?

        Terug na VRAE en ANTWOORDE  >>>


 

Vertel 'n vriend hiervan:


 

Nog nie op ons GRATIS nuusbrief ingeteken nie? Klik hier en kry dadelik jou geskenk en geheime kodes wanneer jy jou intekening bevestig.     Vertel 'n vriend van ons  

 

 Tuisblad                    Skryfkursusse                    Blitskursusse