Dis mos maar menslik om bietjie te spog en SA Vryskutskrywer is geen uitsondering nie! So, wees so 'n bietjie toegeeflik as ons 'n hoekie van ons webwerf aan studente en kliënte se kommentaar en suksesverhale  afstaan ...

Jenny: Baie dankie vir jou uitmuntende diens¶¶¶¶¶. Ons sal jou definitief weer nader vir ‘n volgende projek. Verskriklik dankie vir die ongelooflike werk wat jy binne so 'n kort tydjie bemeester het. Skryfdienste

Abraham Hamman en Windell Nortjé se artikel is deur LitNet Akademies (Regte) gepubliseer. Manuskripredigering

Marie Schoeman (Praktiese kursus in Artikels skryf) kom derde uit 250 inskrywings in 'n skryfwedstryd deur Huisgenoot aangebied.

Hendie Grobbelaar, wat in 2016 SA Vryskutskrywer se ABC van Kortverhale-kursus voltooi het, is een van 25 skrywers wie se kortverhaal in die Woordfees 2017-bundel opgeneem is en een van haar verhale is ook deur Kuier gepubliseer. Sy het in 2016 haar eerste kortverhaalbundel, Potskerwe, gepubliseer en dit in 2017 opgevolg met 'n tweede, Striksvye (2017).

Liezel Slabbert: Jy het my skoon in trane van blydskap. My seun (14) het my so baie ondersteun terwyl ek die kursus gedoen het en ek is so bly om hierdie kwalifikasie uiteindelik met hom te kan deel. Mag God jou seën vir jou inspirasie! Verdien geld met Tydskrifjoernalistiek

René van Staden: Ek het nooit kon dink dat artikels skryf so 'n verfynde kuns is nie, maar die formules in die kursus is baie eenvoudig om toe te pas. Skielik het ek van zero na talle artikels gegaan. My eerste artikel is onmiddellik aanvaar net nadat ek die kursus voltooi het. Baie dankie! Praktiese kursus in Artikels skryf

Baie dankie aan jou en SA Vryskutskrywer omdat julle omgee. Hierdie is nét wat voornemende skrywers nodig gehad het. Julle vul 'n yslike gaping in aanlynstudies vir skrywers. In AFRIKAANS. Verdien geld met Tydskrifjoernalistiek

Caty Nel: Baie dankie vir die konstruktiewe terugvoer en ekstra inligting. Baie dankie vir die kursus, ek het dit waarlik geniet. Blitskursus: ABC van Tydskrifartikels

Stephan Naudé: Nadat ek my boek in die sweet van my aangesig klaargeskryf het, het ek nie geweet waar en hoe ek iemand gaan kry om die allemintige klomp bladsye - en woorde - te proeflees nie. Teen R35 per bladsy het dit op 'n aardige bedraggie uitgewerk en ek was nie verseker dat 'n uitgewer die manuskrip sou aanvaar nie. Leoni het 'n baie aanvaarbare plan vir my uitgewerk en die gehalte van die proefleeswerk was uitstekend. Ek sal SA Vryskutskrywer se proefleesdienste beslis honderd maal aanbeveel. Manuskripredigering

Maryna Moolman: Jippee, ek het my eerste formele e-boek projek gekry om te doen. En nog een wat ook wag. Danksy SA Vryskutskrywer wat my deur middel van die werkgeleenthedeblad op O-desk se spoor gesit het!

Baie dankie vir 'n fantastiese kursus. Dit het 'n hele nuwe wêreld vir my geopen en ek kan nie genoeg dankie sê nie! Verdien geld met Tydskrifjoernalistiek

Jo van Staden: My persverklarings het nog nooit regtig die resultate gelewer waarvoor ek gehoop het nie, maar ek het nie geweet wat ek anders moes doen nie. Nadat ek die blitskursus voltooi het, het ek presies geweet waarom niemand in my gebla-bla belanggestel het nie. Sedertdien het ek drie nuwe persverklarings namens my maatskappy uitgestuur en die reaksie was fenomenaal! Waar was SA Vryskutskrywer al die vorige jare? Blitskursus: Wenformule vir 'n Persverklaring

Die Tydskrifjoernalistieke kursus is 'n fantastiese afspringplek vir enige nuwe skrywer. Leoni se eerlike kommentaar op my artikels en haar hulpvaardige leiding het my beskouiing van die geskrewe woord sommer handomkeer verander! Ek kan nie wag om my gevorderde SA Vryskutskrywer-kursus aan te pak nie. Verdien geld met Tydskrifjoernalistiek

Santie Groenewald: Ek het die kursus baie geniet. Dit was pret om self nuusstories te soek en daaroor te skryf. Ek het ook heelwat by die ingeslote fotografiekursus geleer. Gemeenskapsjoernalistiek

Pieter Vermeulen: Ek is mal oor die spesiale verslae. Daar is omtrent nie 'n aspek van skryf wat ek nie deur die verslae kan opknap nie. Die inligting is deeglik uiteengesit en neem nie baie tyd in beslag om dit onder die knie te kry nie. En beste van alles is dat ek dit in my eie tyd en op my eie kan doen. Spesiale verslae: Voer die perfekte onderhoud + Hoe om 'n artikel te skryf

Marie Wandrag: Ek staan verstom oor die hoeveelheid inligting wat skielik via SA Vryskutskrywer vir Afrikaanse vryskutskrywers beskikbaar is. Ek het altyd met sulke begerige oë na die Amerikaanse webwerwe gekyk wat uitsluitlik op vryskutskrywers fokus en gewens daar kon 'n Afrikaanse eweknie kom. En raai wat? Daar het! Die 101 Afrikaanse tydskrifmarktedatabasis is 'n fantastiese aanwins want dis so maklik om op die lys te kyk en die tydskrif van my keuse te kontak. Ek hoef ook nie eens die tydskrif te gaan koop om te bestudeer nie want die databasis bevat sommer die riglyne ook. Yee-haa! As die Yanks dit kan regkry kan ons Afrikaanse ouens mos ook! Doe so voort, SA Vryskutskrywer. Databasisse  

Elize Beylew: Ek wil julle bedank vir die heerlike kursus; ek het dit terdeë geniet. Dit was baie insiggewend, interessant en inspirerend om die leerstof deur te werk. Die vinnige terugvoering is baie waardeer, dit het my altyd goeie aanduiding gegee of ek op die regte spoor is. Skryf 'n nie-fiksieboek

Cape Media: Dankie vir die vinnige resultate met ons soeke na 'n skrywer in Bloemfontein. Ons gaan beslis weer van julle diens gebruik maak. Vryskutnetwerk

Rianne van Vuuren: Die artikel wat  julle  vir  my  taalversorg  het is  toe by LitNet Akademies geplaas. Dankie weer eens vir werklik goeie werk! Manuskripredigering

Rina Burger: Ek wil julle graag vandag weer bedank vir die geleentheid om my besonderhede op julle webblad/nuusbrief te vertoon vir my tikwerk wat ek vanaf die huis doen. Mense kontak my gereeld om hulle te help met tikwerk en dit sou nie gebeur het as ek nie van julle gebruik kon maak nie. Sterkte met julle dienste en nogmaals baie dankie. Bladskakels

Emsie Martin: Ek is oorstelp! Albei my proefartikels is deur Vrouekeur aanvaar! Dit was voorwaar 'n baie deeglike - en lekker - kursus om te doen. Baie, baie dankie vir al jou bystand en hulp. Verdien geld met Tydskrifjoernalistiek

Marie Schoeman: Ek wou net laat weet dat julle kursusse vrugte afwerp. Ek het derde gekom in 'n wedstryd (daar was meer as 250 inskrywings) wat deur Huisgenoot aangebied is. Praktiese kursus in Artikels skryf

Madeleine Venter: Baie dankie vir die voorstel om my kortverhaal aan Vrouekeur te stuur. Ek het dit gedoen en my verhaal is aanvaar! Vreeslik dankie vir jou motivering! Ek sal beslis nie nou ophou skryf nie :) ABC van Kortverhale