Manuskripbeoordeling/-ontwikkeling / mentorskap

Eugene Pienaar het onlangs van ons Manuskripbeoordelingsdiens gebruik gemaak en na aanleiding van die verslag is sy eerste amptelike kortverhaal, Die Spookhuis, in Huisgenoot gepubliseer.

Nico van Rensburg: Ek wil net van die geleentheid gebruik maak om jou te bedank met jou hulp met die skepping van DOLLARS EVENTUALIS. Jy sal onthou dat ek ‘n kursus van jou bestel het en ek het my eerste storie vir jou aangestuur het. Jy was seker van jou saak dat daar ‘n behoefte vir sulke regstories bestaan. Jou kommentaar was baie kort en kragtig en het daarop neergekom dat dit nie ‘n kuns is om feite te skryf nie maar die kuns is om stories te skryf wat die mense kan en wil lees. Na die derde probeerslag het jy gesê dat ek kan skryf en nie ‘n kursus nodig het nie. Dit was seker een van die beste komplimente wat ek ooit gekry het. Jy was die direkte oorsaak dat ek my talent om stories te vertel kon ontdek en ontwikkel. Daarvoor sal ek jou altyd dankbaar voor bly. Jy het daarna my stories op ‘n baie professionele wyse geredigeer en ek het die manuskrip ingestuur. Dié beskeie begin het gelei tot my boek DOLLARS EVENTUALIS wat deur Naledi Uitgewers uitgereik is. Nogmaals baie dankie.

Henk Heslinga: Aan die hand van jou verslag het ek my manuskrip herskryf en veranderinge en verbeteringe aangebring. Nou is ek ook tevrede daarmee! Henk se boek,  Die Muishond, is intussen ook gepubliseer.

Anton Pienaar: Jou bydrae met “SWARTSON” was vir my kosbaar. Ek is tans besig met ‘n nuwe roman: “DWAALJOERNAAL”.